काठमाडौं ।सङ्क्रमण बढ्दै गए एकदेखि दुई हप्ताभित्रमा महामारीको तेस्रो लहर सुरु हुने चेतावनी विज्ञहरूले दिएका छन् ।निषेधाज्ञा खुकुलो भएसँगै देशभर कोरोना भाइरसको सङ्क्रमण फेरि बढ्न थालेको छ । साउन १० गते १६ प्रतिशत रहेको सङ्क्रमण दर निरन्तर बढेर साउन तीन दिनमै बढेर २४ प्रतिशत पुगेको छ ।
यस अवधिमा सक्रिय सङ्क्रमितको सङ्ख्या समेत निरन्तर बढ्दो छ । साउन १० गते २७ हजार २२८ रहेको सक्रिय सङ्क्रमित सङ्ख्या साउन १३ गते २९ जार ४४४ पुगेको छ ।
सङ्क्रमण दर साउन १० गते १६।११ प्रतिशत, साउन ११ गते १९।८० प्रतिशत, १२ गते २२।२५ र साउन १३ गते २४।२९ प्रतिशत पुगेको छ ।
साउन १० मा २७ हजार २२८ रहेको सक्रिय सङ्क्रमितको सङ्ख्या, साउन ११ मा २७ हजार ९०७, साउन १२ मा २८ हजार ८३६ र साउन १३ मा २९ हजार ४४४ पुगेको छ ।
सातागत रूपमा पनि बढ्यो सङ्क्रमण
पछिल्लो दुई हप्ताको औसत तथ्याङ्क हेर्दा पनि सङ्क्रमण दर बढेको छ । असार ३१ देखि साउन ६ सम्म ७ दिनको अवधिमा परीक्षण गरेका मध्ये १९।८६ प्रतिशतमा सङ्क्रमण पुष्टि भएको तथ्याङ्कले देखाएको छ ।
सो अवधिमा ८९ हजार ५९ जनाको नमुना परीक्षण भएको थियो । जसमध्ये १७ हजार ६९४ जनामा सङ्क्रमण पुष्टि भएको थियो ।
यस्तै साउन ७ देखि १३ गते ९हिजो०सम्म उक्त सङ्क्रमण दर बढेर २०।२७ प्रतिशत पुगेको छ । पछिल्लो एक साता ९ ७ देखि १३ गते ०मा १ लाख ९ हजार ४७९ जनाको नमुना परीक्षण गरिएको छ । यीमध्ये २२ हजार २०२ जनामा सङ्क्रमण पुष्टि भएको हो ।
ुतेस्रो लहर सुरु हुन सक्छु
यसरी नै सङ्क्रमण बढ्दै जाने हो भने, कोभिड१९ महामारीको तेस्रो लहर सुरु हुनसक्ने विज्ञहरूको भनाइ छ । शुक्रराज ट्रपिकल तथा सरुवा रोग अस्पतालका निर्देशक डा। अनुप बाँस्तोलाले अबको एक दुई हप्ताको तथ्याङ्कले थप अवस्था कस्तो हुन्छ भनेर भन्न सकिने बताएका छन् ।
ुनिषेधाज्ञा खुकुलो भएसँगै मानिसहरूले सुरक्षाका उपायहरूमा कम ध्यान दिँदा सङ्क्रमणले दोस्रो लहरकै अवस्थामा लैजान सक्नेु डा। बास्तोलाको भनाइ छ ।
ुसङ्क्रमण बढ्यो, अस्पतालहरू भरिन थालिसके, एक दुई हप्ताको तथ्याङ्कले बाँकी अवस्थाको अनुमान गर्न सकिन्छ ु उनले भने ।
अहिले काठमाडौं उपत्यकामा कोभिड१९ का सङ्क्रमितको सङ्ख्या बढ्न थालेको छ । टेकु अस्पताल र पाटन अस्पतालमा सङ्क्रमित भरिई सकेका छन् । दैनिक फोन एवं बिरामी भर्ना हुन आउनेको सङ्ख्या समेत बढेको छ ।
सशस्त्र प्रहरी अस्पताल बलम्बुमा समेत अहिले १५० भन्दा बढी सङ्क्रमित भर्ना भइसकेका छन् ।
सशस्त्र प्रहरी अस्पतालका डा। प्रवीण नेपालले दैनिक नयाँ भर्ना हुनेको सङ्ख्या समेत १० भन्दा बढी रहेको बताएका छन् । यसरी नै सङ्क्रमण बढ्दै जाँदा पुरानै अवस्था सिर्जना हुन सक्ने उनको भनाइ छ ।
कोरोना सङ्क्रमण बढ्न थालेको र यो फेरि चुनौतीपूर्ण हुनसक्ने शुक्रराज ट्रपिकल तथा सरुवा रोग अस्पतालका रिसर्च युनिट प्रमुख डा। शेरबहादुर पुनले बताए ।
ुनेपालमा डेल्टा भेरिअन्ट सक्रिय छ, अहिलेसम्म सङ्क्रमित नभएका र खोप नलगाएकाहरू बिशेषगरी सङ्क्रमित भइरहेका छन्, सङ्क्रमण बढ्न थालेको छु, उनले भने ।
ुअब, यो बीचमा नयाँ भेरिअन्ट समेत देखा पर्यो भने झनै ठुलो चुनौती सिर्जना हुन्छु, डा. पुनले भने ।
डेल्टा भेरिअन्टको सङ्क्रमण नै पनि बढ्न थालेसँगै सङ्क्रमणले दोस्रो लहरकै दिशामा लैजान सक्ने चिन्ता विज्ञहरूको छ । आम नागरिकले स्वास्थ्य सुरक्षाका मापदण्डहरू पूर्णरुपमा पालना गरेमा सङ्क्रमण कम हुने सक्ने उनीहरू बताउँछन् ।
