गुल्मी । गुल्मी जिल्लाको मुसिकोट नगरपालिका-१ बिसौनामा पहिरोले २ वटा घर पुरिदा ४ जनाको मृत्यु भएको छ । पहिरोमा पुरिएर २ जना घाइते भएको जिल्ला प्रहरी कार्यालय गुल्मीका प्रहरी निरीक्षक रामकुमार केसीले जानकारी दिनुभयो ।
पहिरोमा पुरिएर ४८ बर्षिय गोरे बिक, ६७ बर्षिय हुमुक बिक, साढे दुई बर्षिय रियन्सा बिक र ६६ बर्षिया मसुरी बिकको मृत्यु भएको प्रहरीले जनाएको छ । पहिरोमा पुरिएर मुना बिक र बिष्णु बिकलाई स्थानीयले उद्धार गरेर नजिकैको स्वास्थ्य चौकीमा पठाएको प्रहरी निरीक्षक केसीले बताउनुभयो ।
मंगलबार बिहान घरमाथीबाट लेदो सहितको पहिरोले बिस्णु बिकको घर र हुकुम बिकको घर पुरिएको थियो । पहिरोमा पुरिएकाहरुको उद्धारको लागि प्रहरी सहायक निरीक्षक लखनलाल चौधरीको कमाण्डमा ४ जनाको टोली खटिएको प्रहरीले जनाएको छ ।
गएरातीबाट गुल्मीमा लगातार वर्षा भइरहेको छ ।
