भोजपुर । भोजपुरमा खैरो हिरोईन सहित भोजपुर नगरपालिका ९ बस्ने वर्ष ३० का जिसन राई पक्राउ परेका छन् । भोजपुरको पुर्वी अरुण गाउँपालिका वडा नं. ३ प्याउलीमा सवारी साधन चेक जाच गर्ने क्रममा राईलाई ब्राउनसुगर सहित पक्राउ गरिएको छ ।
सवारी प्रहरी चौकी प्याउली र अस्थायी टर्फिक पोष्ट प्याउलीको टोलीले सवारी साधनको चेकजाच गर्ने क्रममा बा. ३ ख २५४९ नम्बरको यात्रुवाहक वसमा सवार यात्रु वर्ष ३० का जिसन राईलाई शंकास्पद अवस्थामा फेला पारी नियन्त्रणमा लिई शरीर तलासी गर्दा ५ पोकामा ३ ग्राम २ सय ४० मिलिग्राम ब्राउनसुगर सहित साधा मोवाईल १ थान् एनरोइड मोवाइल १ थान, एनसियल र एनटीसीको सिम १÷१ थान र कालोरंगका साईड व्याग १ थान सहित राईलाई प्याउलीबाट पक्राउ गरिएको जिल्ला प्रहरी कार्यालय भोजपुरका सूचना अधिकारी दिपक कुमार श्रेष्ठले बताए । राईलाई जिल्ला अदालत भोजपुरबाट म्याद थप गरी थप अनुशन्धान भईरहेको श्रेष्ठले जानकारी दिए ।
