भोजपुर । भोजपु नगरपालिका स्तरीय अन्तर माध्यमिक विद्यालय स्तरीय कविता प्रतियोगितामामा सिद्धेश्वर माध्यमिक विद्यालय दावाँका दिवाकर दाहाल प्रथम बनेका छन् ।
त्रिवेणी साहित्य प्रतिष्ठान भोजपुरले शुक्रवार चन्द्रमा होटलको सभाहलमा आयोजना गरेको उक्त प्रतियोगितामा पञ्चकन्या मावि बोखिमका हिरा फुयल द्वितीय, यशोधरा मावि टक्सारका नुनिछा राई तृतीय, युनिक एन्ड युनाइटेड पब्लिक एकाडेमीका टार्जन पराजुली सान्त्वना र सगरमाथा सेकेन्डरी स्कुलका दिपांशु गुरुङ सान्त्वना बनेका छन् ।
प्रतियोगितामा प्रथम, द्वितीय, तृतीय, र सान्तवानाले क्रमश ५ हजार, ४ हजार, ३ हजार, र १ हजार सहित प्रमाणपत्र वितरण गरिएको साथै कार्यक्रममा सहभागी सबैलाई प्रशंसापत्र दिएको त्रिवेणी साहित्य प्रतिष्ठान भोजपुरका सचिव घचन्द्र दाहालले जानकारी दिए ।
कार्यक्रमका प्रमुख अतिथी नेपाली केन्द्य्रिय विभाग त्रि. वि. का प्रा. डा. नारायणप्रसाद गड्तोला र त्रिवेणी साहित्य प्रतिष्ठान भोजपुरका संस्थापक श्याम तमोटको विषेश आतित्थ्य र त्रिवेणी साहित्य प्रतिष्ठान भोजपुरका अध्यक्ष सुभाश विभासको अध्यक्षतामा कार्यक्रम भएको हो ।
