भोजपुर । भोजपुरमा ब्रम्हकुमारी राजयोग उपसेवा केन्द्र भोजपुरले अयोजना गरिएको बृहत रक्तदान कार्यक्रममा ८८ जनाले रक्तदान गरेका छन् । (शुक्रबार भोजपुरको स्थानीय टुडिखेलमा नेपाल रेडक्रस सोसाईटी जिल्ला शाखा भोजपुरको प्राबिधिक सहयोगमा रक्तदान कार्यक्रम सम्पन्न भएको हो ।
विश्व बंधुत्व दिवसको अवसर पारेर केन्द्रले रक्तदान महाअभियान आयोजना गरेको व्रमाहा कुमारी चादानीले बताईन । उनका अनुसार १९ वटा विभाग मध्ये समाज सेवा प्रभागबाट समाजमा रहेका सेवामुलक संस्थाहरुसंग मिलेर काम गर्दै आएको र सोहि अनुसार समाज प्रति उत्तरदायी भाव उत्पन्न गराउन कार्यक्र गरिएको हो । उक्त रक्तदान बिहान ७ः३० बजेदेखि दिउँसो १ बजेसम्म संचालन भएको थियो ।
उक्त कार्यक्रम भोजपुर नगरपालिकाका नगर प्रमुख कैलाश कुमार आलेले उद्घाटन गरेका हुन् भने कार्यक्रममा प्रमुख जिल्ला अधिकारी शुरेस पन्थी, प्रहरी नायव उपरिक्षक राजु लामा, जिल्ला स्थीत सरकारी तथा गैर सरकारी कार्यालयका प्रमुख तथा प्रतिनिधी र स्थानीयहरुको समेत सहभागीता रहेको थियो । 
Saturday November 29, 2025 |
