भोजपुर। जाजरकोट र रुकुममा गएको भुकम्पका पीडितका लागि जिल्ला अदालत भोजपुर बार एकाईले सहयोग रकम पठाएको छ ।
नेपाल सरकारले स्थापना गरेको प्रधानमन्त्री दैवी प्रकोप उद्धार कोषमा जम्मा हुने गरी नेपाल बार एशोसिएसन भोजपुर अदालत बार एकाईले १० हजार रकम पठाएको एकाई सचिव अधिबक्ता तीर्थ कुमार राईले बताए ।
यस्तो समयमा सवैले सामाजिक दायित्व निर्वाह गर्नु पर्ने भएकाले एशोसियनले पनि सोही अनुसार पीडितका लागि कोषमा रकम जम्मा गरेको सचिव राईको भनाई रहेको छ ।
एकाई अध्यक्ष अधिबक्ता रामकुमार राई र सचिव राईले संयुक्त बिज्ञप्ती प्रकाशित गर्दै पीडित परिवारका लागि राहत र उद्धारमा जुटन पनि सवै पक्षसँग आग्रह गरेको छ ।
