भोजपुरमा जारीे सातौँ अन्तराष्ट्रिय आमन्त्रित मेयर भोजपुर गोल्डकप प्रतियोगिताको क्वार्टर फाईनलको अन्तीम खेलमा आयोजक जिल्ला फुटबल संघ भोजपुरलाई हराउदै चर्च ब्वाइज युनाईटेड काठमाडौँ सेमीफाईनलमा प्रवेश गरेको छ ।
भोजपुरलाई सुन्यको विरुद्ध तीन गोल गर्दै चर्च ब्वाइज सेमीफाईनलमा प्रवेश गरेको हो । क्रमश खेल सुरु भएको ५, ११ र २७ औ मिनेटमा चर्च ब्वाइजका खेलाडी इल्लारा एस डिक्का, अवोयोमी र नविन लामाले गोल गरेका थिए ।
यता आयोजक भोजपुरले निकै प्रयास गरे पनि गोल भने गर्न सकेनन् । यस्तै व्यक्तिगत विधातर्फ म्यानअफ दी म्याच चर्च ब्वाइजका जर्सी नंं ११ का नवीन लामा घोसित भए उनलाई नगत पाँचहजार प्रदान गरिएको आयोजकले जनाएको छ ।
भोजपुरको रंगशालामा आईतबारबाट भएको क्वाटर फाईनलको पहिलो खेलमा आर्मीसंग जर्जीयन फुटवल क्लव भारत , दोस्रो खेलमा खोटाङ भगवती क्लवसंग राजारानी फुटबल क्लव धन्कुटा, तेस्रो खेलमा सलहेश युवा क्लव सिरहासंग डाँगीहाट युथ क्लब मोरङ र चौथो खेलमा चर्च ब्वाइजसंग आयोजक भोजपुर पराजित भएको हो ।
भोलीबाट सुरु हुने सेमीफाईनलको पहिलो खेलमा त्रिभुवन आर्मी र खोटाङ् भगवती क्लब विच प्रतिस्पर्धा हुनेछ भने पर्सी सलहेश युवा क्लव सिरहा र चर्च ब्वाइज युनाईटेड काठमाडौँ विच प्रतिस्पधा हसने छ । प्रतियोगिताका विजेता तथा उपविजेताले उपाधी सहित क्रमशः नगद पाँच लाख र तीन लाख पाउने छन् ।
