पूर्वमुख्यमन्त्री शेरधन राईद्धारा एमाले सचिवमा उम्मेदवारी घोषणा

भोजपुर । नेपाली राजनितिमा शालिन र सफल नेताको छवि बनाएका पूर्वमुख्यमन्त्री, एमाले केन्द्रीय सदस्य तथा एमाले प्रदेश १ सह इन्चार्ज शेरधन राईले एमालेको दशौँ महाधिवेशनमा सचिवमा उमेदवारी घोषणा गरेका छन् । यस अघि नेपाल सरकारको प्रवक्तासँगै सूचना तथा सञ्चार मन्त्रालयको जिम्मेवारीको बहन गरिसकेका राई सालिन र भद्र नेताका रुपमा चिनिन्छन् ।

शेरधन राईको राजनितिक यात्रा
२०२७ साल फागुन ११ गते भोजपुरको आमचोक गाउँपालिका–३, थिदिङ्खाको पसलभन्ज्याङ्गमा जन्मिएका शेरधन राई एमालेको प्रभावशाली नेता मान्छिन् । पिता जागीरमान राई र माताः राम्रीमाया राईको पहिलो सन्तानका रुपमा जन्मिएका राईले समाजशास्त्रमा एम ए सम्मको शिक्षा हासिल गरेका छन्। मध्यम वर्गीय परिवारमा जन्मिएका राई एक ईमान्दार सालिन व्यक्तित्व मान्छिन् । २०४४ सालमा अनेरास्ववियुमा संगठित,सदस्यता लिई राजनिती सुरु गरेका राईले २०४९ सालमा अनेरास्ववियु भोजपुर जिल्ला अध्यक्ष बनेका थिए । २०५३ सालमा अनेरास्ववियुको केन्द्रीय यसदस्य र पूर्वाञ्चल प्रमुख, हुदै २०४९ मा नेकपा एमाले भोजपुरको जिल्ला कमिटी सदस्य बनेका थिए ।

२०५१ मा सचिवालय सदस्य, र २०५४ मा पार्टी विभाजन पश्चात चार कार्यकाल एमालेको भोजपुर जिल्ला अध्यक्ष वनेका थिए । ०७० वैशाख २७ गते एमाले बैकल्पिक केन्द्रीय सदस्यमा मनोनित भएका राई २०७१ मा एमाले केन्द्रीय सदस्यमा निर्वाचित बनेका हुन् ।

२०५६ सालको आमनिर्वाचनमा भोजपुर क्षेत्र नं २ वाट निर्वाचितबाट राई नेपालकै कान्छो सांसदको निर्वाचित वनेका थिए । २०६२ /२०६३ सालको ऐतिहासिक जनआन्दोलनवाट पुर्नस्थापित प्रतिनिधी सभा व्यवस्थापिका संसदको सदस्य, समेत भएका राई २०६४ सालको संविधान सभाको निर्वाचनमा भने राईले भोजपुर क्षेत्र नं २ बाट पराजित भएका थिए । त्यसपछि २०७० मंसीर ४ मा सम्पन्न दोश्रो संविधान सभाको निर्वाचनमा भने भोजपुर क्षेत्र नं २ वाट विजयी वनेका थिए ।

२०७१ सालमा संसदको सुशासन तथा अनुगमन समितिको सभापति समेत भएका राई २०७२ कात्तिक १९ गते सूचना तथा सञ्चार प्रविधिमन्त्री एंव सरकारको प्रवक्ता भएका थिए । २०७४ साल मंसिर १० गते भएको प्रदेशसभा निर्वाचनमा प्रदेशसभामा भोजपुर ख बाट २० हजार ३३४ मत प्राप्त गरी निर्वाचित भएका राई २०७४ माघ २६ गते प्रदेश नं १ नेकपा एमाले संसदीय दलको नेतामा निर्वाचित भएसंगै मुख्यमन्त्री बनेका थिए ।

प्रदेश नम्वर एकको पहिलो मुख्यमन्त्री बनेको राईले भोजपुरसँगै प्रदेश १ को विकास लागि महत्वपूर्ण भूमिका निर्वाह गरेका छन् ।

२०५४ सालमा एमाले विभाजन भयो । पार्टी विभाजन भएपछि भोजपुरका अधिकांश नेता मालेमा लागेका थिए । उनी भने जिल्लामा पार्टीको नेतृत्व सम्हाल्ने जिम्मेवारीमा पुगे । त्यसपछि उनी जिल्लामा एमालेको शक्तिशाली नेता बने ।

विभिन्न समयहरुमा पार्टी राजनीतिमा गुटफुटको राजनीतिलाई परास्त गर्दै पार्टीको राजनीतिक जीवनमा निरन्तरता र निष्ठालाई महत्वपूर्ण ठानेर पार्टीको मुलधारमा क्रियाशिल भएर लागेका राई राजनितिमा सफल नेता मानिन्छन् ।

द्धन्द्धको समयमा जिल्लामा रहेर पार्टीको बाग्डोर सम्हाले राई शाही कदमपछिको राजनीतिक आन्दोलनमा दलहरुको नेतृत्व लिएर काम गरेका थिए ०६२/०६३ मा भएको आन्दोलनमा लाग्दा जिल्ला सदरमुकाममा प्रहरीले बन्दुकको कुन्दाले हान्दा बेहोस भएका राईलार्ई त्यसबेला हेलिकोप्टरबाट काठमाडौ लगेर उपचार गराउनु परेको थियो ।

राजनीतिक जिम्मेवारी

२०४२ विद्यार्थी राजनीतिको सुरुवात

२०४५ भोजपुर बहुमुखी क्याम्पसमा प्रा.क.मा सदस्य

२०४५ अनेरास्वविुको जिल्ला कमिटी सदस्य

२०४६ जनआन्दोलनमा निछाक नामबाट पार्टी गतिविधि र आन्दोलनमा संलग्न

२०५० अनेरास्ववियू, जिल्ला कमिटी अध्यक्ष

२०४८/०४९ प्रजातान्त्रिक राष्ट्रिय युवा संघको सहसचिव हुँदै का.वा.अध्यक्ष

२०४९ नेकपा एमाले जिल्ला कमिटी सदस्य भोजपुर

२०५० नेकपा एमाले सचिवालय सदस्य भोजपुर

२०५० हेटौंडा सम्मेलनबाट केन्द्रीय सदस्य र पुर्वाञ्चल प्रमुखको जिम्मेवारी

२०५२ पुनःअनेरास्ववियु केन्द्रीय सदस्य र पुर्वाञ्चल प्रमुख

२०५४ पार्टी सचिव, नेकपाएमाले भोजपुर (लगातार तीन कार्यकाल)